УРАН ЗУРАГ болон ЗУРААЧИД

Банжигийн зарим нэг алдаанаас болоод энэ бичлэгний зурагнууд гарахгүй болсон билээ. Энэ удаа тэрхүү бичлэгт бага зэрэг засвар хийж дахин орууллаа.     За энэ удаагийн блог үзэсгэлэндээ Василий Иванович Суриковын хэдэн зургийг тавилаа. Энэ хүн бол Орос төдийгүй дэлхийд нэрд гарсан уран зургийн академийг өөрөөрөө нэрлүүлж чадсан агуу зураач билээ.
"Василий Иванович Суриков" цааш унших »

Харьков мужийн  Чугуев хотод  шилжин ирж суурьшсан  цэргийн албан хаагч  Ефим  Васильевич  Репиний гэрт  1844 оны  7-р сарын 24-нд  нэгэн хүү мэндэлсэн нь  хожим  дэлхийн   дүрслэх урлагийн түүхэнд  нэрээ мөнхлөн үлдээсэн  оросын агуу их зураач  Илья  Ефимович  Репин   байлаа.   Зураачийн  авьяас бага залуу насанд нь  илэрч, тэрээр  13 настайдаа  төрөлх хотдоо зураач  И.Бунаковт шавь орж,  уран зурагт суралцаж эхэлсэн бөгөөд,  1863  онд  Санкт-Петербургийн  уран зургийн Академид  элсэн орж суралцсан байна. Тэндээ  маш амжилттай  суралцаж,  1869  онд бүтээсэн "Иов нөхөдтэйгээ  маргасан нь"   библийн сэдэвт зургаараа   Академийн  жижиг алтан медаль, 1872  онд туурвисан   "Иайрийн  охид дахин төрлөө" зургаараа  том алтан медаль  хүртэж байжээ.   Уран бүтээлээ туурвин бүтээхийн тулд   асар их хөдөлмөр,  шаргуу зүтгэл,  тоо томшгүй  судалбар таталбар хийдэг байсан энэ  зураачийн зарим   алдартай бүтээлүүдээс  хуулбарлан тавилаа.
"Илья Ефимович Репин" цааш унших »

Хөрөг зургийн их мастер, оросын сонгодог зураачдын нэг, ардач энэрэнгүй үзэлтэн Крамской Иван Николаевич 1837-05-27 /06 сарын 8/ -нд Воронеж мужийн Острогожскт бичээчийн гэр бүлд төржээ. Тэрээр оросын алдарт зохиолчид, жүжигчид, уран бүтээлчид, төр нийгмийн зүтгэлтнүүдийн цуврал хөргийг бүтээсэн бөгөөд, ер нь эдгээр бүтээлүүд нь гайхамшигтай энгийн зохиомжтой агаад, сэтгэл зүй, ааш араншинг тод томруун дүрслэн харуулсан байдаг.
"Иван Николаевич Крамской" цааш унших »

17-р зууны үед Голландын уран зургийн хөгжлийн  оргил үед амьдарч, уран бүтээлээ туурвиж байсан голландын агуу зураач  Рембрандт ван Рейн   /1606-1669/  бол бүх дэлхийн дүрслэх урлагийн оргил бүтээлчдийн нэг юм.   Зураачийн уран бүтээл нь хүний дотоод ертөнцөд гүнзгий нэвтэрсэн, амьдралын философийг ойлгох хүсэл эрмэлзлэлээр дүүрэн байдаг.  Рембрандт уран бүтээлээ маш олон төрөл жанраар туурвидаг байсан бөгөөд, энэ удаа та бүхэнд энэхүү зураачийн,  библийн  сэдэвтэй зарим уран бүтээлээс хүргэж  байна.
"Рембрандт Хармес ван Рейн" цааш унших »

  Оросын агуу зураач Иван Константинович Айвазовскийн /1817-1900/ уран бүтээлээс заримыг нь орууллаа. Хаант оросын тэнгисийн флотын адмирал, оросын далайн академийн гишүүн авьяаслаг зураач Айвазовский.И.К. далай зурдагаараа алдаршсан байна. Ажил мэргэжил нь ч нөлөөлсөн биз. Зураачийн намтартай танилцахыг хүсвэл энд дараад орно уу. Зургийн тайлбар нь тухайн зургийнхаа доод талд байгаа болно.
"Айвазовский Иван Константинович" цааш унших »

     Оросын агуу зураач Иван Иванович Шишкиний /1832-1898/ уран бүтээлээс цөөн хэдийг оруулав. Зургийн заримыг оросын  "www.artvek.ru" сайтаас авсан болно. Зураачийн намтар болон, зургийг хэзээ ямар материалаар, хаана бүтээсэн нь төдийлөн ач холбогдолгүй /хүмүүс мэдэх юмыг энд нурших нь илүүц/  гэж үзлээ. Та бүхэн зүгээр л уран бүтээл гэдэг талаас нь хандаж санал бодлоо үлдээнэ үү.  Зургийн тайлбар  /нэр гэж хэлж заншсан/  нь тухайн бүтээлийнхээ доод талд байгаа болно. Мөн та бүхэнд энэ зураачийн бүтээл байвал тэр талаар мэдээлэл сэтгэгдэл дээр үлдээвэл  маш баярлана.
"ИВАН ИВАНОВИЧ ШИШКИН" цааш унших »